Primêre Skool Jordania

Die Primêre Skool Jordania is ‘n skool met ‘n tradisieryke geskiedenis en is toekomsgerig om aan sy leerders net die beste opvoeding en geleenthede moontlik te verskaf.

Missie

Ons missie is dat elke ouer, leerder, opvoeder, administratiewe personeellid en werker hier by die skool, deel sal wees van ‘n hegte band, gesmee deur wedersydse lojaliteit, vertroue en liefde. Ons bied lewensruimte, geleenthede, kennis en geleerdheid binne gemeenskaplike waardes en norme.

Ten einde die skool se missie en visie te bereik, sal die volgende aspekte bevorder word:

• Onderlinge respek tussen leerders.
• Respek teenoor opvoeders en alle volwassenes.
• Respek vir eiendom van die skool en ander se eiendom.
• Respek vir die omgewing, wat insluit die bewaring van natuurlike hulpbronne.
• Respek vir en verdraagsaamheid teenoor alle landsburgers se taal, kultuur en geloof.
• Gehoorsaamheid aan die skoolreëls en landswette.

Waardes tel 100%! Primêre Skool Jordania is verbind tot karakterbou. Deur die jaar word die 6 pilare van ‘n waardegedrewe lewe op elke moontlike wyse by ons leerders ingebou.

Die 6 pilare is: 

• Respek
• Geloofwaardigheid
• Verantwoordelikheid
• Regverdigheid
• Omgee
• Goeie burgerskap

100% gesindheid in alles wat ons doen!